افضل نظام غذائى للام اثاء الحمل و عن تجربة .. ربنا يقومكم بالسلامة ..

مبروك لكل الحولمل و يارب يكملكم على خير و تقوموا بالسلامة

النظام الغذائى ده الحمد لله كنت ماشيه عليه طول فتره حملى
و الحمد لله كان مساعدنى جدا فى تعب الحمل

و ربنا رزقى ب ( جورى ) ادعولى ربنا يخليهالى و يباركلى فيها

كل حامل لازم تاخد بلها من اكلها علشان ده طبعا الى بيروح للبيبى
و كمان بيقلل من الدوخة
و بيغذيها و بيساعدها على شغل البيت الى كلنا عارفينه

كل يوم اول ما تصحى كده يا فتوكة و تفوقى حتاخدى معلقه عسل ابيض
زى الشاطرة
و طول النهار و انتى رايحة على المطبخ خديلك معلقه فى معلقه

ليه بقى ؟؟ بيقلل الدوخة وبيخليكى كلك نشاط



الفطار : جبنه قريش و عليها قطعى فلفل اخضر و طماطم و رشة كمون

ليه ؟؟ علشان الكالسيوم الجبنه و الكمون فيهم نسبة كالسيوم عالية
و اكيد مننساش كوبايه لبن حلوة كده و ذبادى
الى عايزة تاكل بعيش عادى براحتها .. اخواتنا الى عايزيين ميطخنوش
قوى يبقى يكلوا عيش بالردة او عيش سن


حنحلى بتفاحة جميلة و موزة كمان علشان الحديد يبقى تمام

الغدا جهزى طبق بنجر و سلاطة فيها طماطم و خيار و كابوتشى و قللى الملح
علشان الضغط العالى

و الغدا زى ما تحبى بس بيفضل 3 ايام فى الاسبوع تكلى بساريه او سردين
لانهم افضل انواع السمك الى فيهم كالسيوم و فيتامين

او اى نوع سمك 3 ايام فى الاسبوع

و باقى الايام لحمه او فراخ علشان البروتين

بالهنا و الشفا الغدا ناخد تفاحه وموزة كمان

العشا جبنه قريش و عليها كمون زى ما قلنا فوق و كبايه لبن و ذبادى
و تفاحة و موزة

من الاخر كل يوم ليكى

3 تفاحات
3 موزات
2 ذبادى
2 كبايه لبن
1/2 جبنه قريش
2 فلفل كبى
بنجر

و اهم حاجه نشرب مياااااااااااااااااااااه كتير علشان الكلى متتعبناش
و نفضل وشنا منور

و للى عايزة انا صراحه كنت ماشيه عليهم فى الحمل و دلوقتى فى الرضاعه

قرص ماتيرنا اول النهار
و على العصر كده قرص فيتا ماكس بلاس

و لازم تمشى كل يوم ربع ساعه علشان لما شهور الحمل الاخيره تيجى عليكى
حيبقى لازم تمشى ساعتين فى اليوم علشان الحوض يتدرب

و تكون ولاده سهله بامر الله

و ربنا يرزقكم طفل سليم معافى و يكمل حملكم على خير
و يرزقكم ساعه سهله يارب امييييييييييييين

دعواتكم يا احلى امهات و متنسوش التقييم
[center]